Kuri uyu wa kane tariki ya 25 Gashyantare 2016,mu majyaruguru y'iburasirazuba bwa Mali,umusirikare wa Minusma yishe bagenzi be babiri.

 

By Umutoni Solange | Views : 11508 | Kuya 02-25-2016 22:06



Ubu bwicanyi bwakozwe n'umusirikare ukomoka mu gihugu cya Tchade akaba ari mu muryango wa Minusma  bwabereye mu gace ka Kidal gaherereye mu majyaruguru y'iburasirazuba bw'igihugu cya Mali.

                                                          Ingabo za Minusma

Urwego rw'umutekano rwo mu muryango wa Minusma rwemeje ko uyu musirikare w'umunya Tchade wari mu butumwa bw'amahoro muri Mali yananiwe kumvikana n'abamukuriye bamushinjaga ibintu bibi,agahitamo kubivugana.

Aba yahitanye harimo umuyobozi w'ishami hamwe n'umuganga w'abasirikare.

Uyu musirikare nyuma yo gukora iri bara yahise afatwa bikaba biteganyijwe ko kuri uyu wa gatanu tariki ya 26 gashyantare yoherezwa Bamako mu murwa mukuru.

Minusma ni urwego rw'umuryango w'abibumbye rwashinzwe tariki ya 25 mata 2013 rugamije kugarura amahoro muri Mali.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd