Cheikh Ag Aoussa, umwe mu bayobozi bakuru b'ingabo z'icyahoze ari inyeshyamba z'aba touareg, yishwe kuwa gatandatu tariki ya 08 ukwakira 2016, mu gace ka Kidal, nyuma yo guturitsa imodoka ye yarimo yo mu bwoko bw'ivatiri.

 

By Muhire Norbert | Views : 5817 | Kuya 10-09-2016 15:26



Urupfu rw'iyicwa rya Cheikh Ag Aoussa, umwe mu bayobozi bakuru b'ingabo z'icyahoze ari inyeshyamba z'aba touareg, wafatwaga nka numero ya 2 mu bayobozi b'akanama ko hejuru k'ubumwe bw'aba Azawad, rwemejwe n'umuvugizi wa CMA.

Cheikh Ag Assoua yavuye mu kigo cya Minusma mu gace ka Kidal aho yari yagiye kwitabira inama y'umutekano hamwe n'ingabo zo mu mutwe w'ingabo za ONU ziri kubungabunga amahoro n'umutekano muri Mali, aza guhagarara gato kugirango asenge, nyuma yaho akomeza urugendo n'imodoka ye y'ivatiri ihita iturikira mu nzira.

Amakuru aturuka mu nzego zitandukanye mu gihugu cya Mali akaba avuga ko iyi modoka ye yaba yaratezwe mini.

Umuvugizi wa CMA, yatangaje ko bashingiye ku makuru bakura mu nzego zitandukanye, uru rupfu rwa Cheikh Ag Aoussa, rushobora kuba rwarateguwe, akaba yaboneyeho gusaba ko hakorwa iperereza risesuye ku rupfu rw'uyu mugabo.

Cheikh Ag Aoussa yari numero ya 2 akaba n'umuyobozi mukuru w'ingabo  z'akanama k'ubumwe bwa Azawad, akaba umwe mu bagize CMA, akaba yaragize n'uruhare mu isinywa ry'amasezerano ya Alger. 

                                         Cheikh Ag Aoussa ( Foto archives)


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd