Muri repubulika iharanira demokarasi ya Congo,i Lubumbashi,ahari icyicaro cy'ishyaka ritavuga rumwe n'ubutegetsi Unadef bwa Perezida Joseph Kabila hasenywe n'abantu bataramenyekana,ndetse n'abakorana byahafi na Moïse Katumbi barafatwa.

 

By Idrissa Katumbi | Views : 11193 | Kuya 04-27-2016 08:44



Umutekano ukomeje kuba mubi i Lubumbashi nyuma yaho mu cyumweru gishize ubwo amashyaka atavuga rumwe n'ubutegetsi bwa Perezida Joseph Kabila wa DRC yizihizaga isabukuru y'imyaka 26 hemejwe ishyirwaho ry'amashyaka menshi muri iki gihugu,abayoboke b'aya mashyaka bakabirukana bakoresheje ibyuka biryana mu maso.

Ku munsi w'ejo kuwa kabiri tariki ya 26 mata 2016,irindi shyaka ritavuga rumwe n'ubutegetsi bwa Perezida Kabila,riri mu itsinda rya G7,Unadef, l'Union des nationalistes démocrates et fédéralistes,riyobowe na Charles Mwando Nsimba,icyicaro cyaryo cyasenywe n'abantu bataramenyekana.

Ubuyobozi bw'amashyaka atavuga rumwe n'ubutegetsi muri repubulika iharanira demokarasi ya Congo yibumbiye mu itsinda rya G7 bwatangaje ko iri senywa ry'iki cyicaro cy'ishyaka rya Unadef ari igikorwa cy'iterabwoba kuko iri shyaka ritegura guhura n'abayoboke baryo(mitingi) tariki ya 02 gicurasi 2016 i Rubumbashi.

Abakorana byahafi na Moïse Katumbi i Lubumbashi bakomeje gufatwa n'inzego z'umutekano za DRC.

Professeur Huit Mulungo, wahoze ari umuyobozi wa cabinet wa Moïse Katumbi, guverineri wa Katanga,kuwa gatanu tariki ya 22 mata 2016 yahamagawe n'inzego z'umutekano arazwa ijoro rimwe mu nzu z'inzego z'ubutasi nyuma yoherezwa mu rukiko rwa Gisirikare rwa Lubumbashi.

Nyuma y'iminsi 2 Professeur Huit Mulungo,afashwe hahise hanafatwa n'abana 2 ba Pierre Lumbi wahoze ari umujyanama udasanzwe w'umukuru w'igihugu akaba nawe ari umwe mu bagize itsinda ry'amashyaka ari muri G7.

Abandi bagabo 4 bafashwe bashinjwa gukorana bya hafi na Moïse Katumbi ni Darryl Lewis ufite ubwenegihugu bwa leta zunze ubumwe za Amerika,abandi 3 ni abanyecongo, Idi Sefu, Yannick Kabinda na Franck Mwashila.

                                       Mu mujyi rwagati wa Lubumbashi


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd