Perezida wa Koreya y'amajyaruguru Kim Jong biravugwa ko ku mugoroba w'ejo kuwa mbere tariki ya 26 werurwe 2018, yaba yarageze mu murwa mukuru w'ubushinwa akoresheje gariyamoshi yaturutse ku mupaka wa Koreya y'amajyaruguru. 

 

By Umutoni Solange | Views : 4641 | Kuya 03-27-2018 14:29



Uru ruzinduko rukomeje kugirwa ibanga, rubaye ari urw'impamo, rwaba ari urwa mbere Perezida Kim Jong-un, umugabo ufatwa n'umunyagitugu agiriye hanze y'igihugu kuva yafata ubutegetsi mu mwaka wa 2011. 

Televiziyo y'abayapani ku mugoroba w'ejo kuwa mbere tariki ya 26 werurwe, yatambukije amashusho ya gariyamoshi ifite amabara y'icyatsi n'umuhondo yinjira muri gare y'i Pékin(umurwa mukuru w'ubushinwa), iherekejwe n'uburinzi busa n'ubukoreshwa na Perezida Kim Jong ikaba yari iturutse ku mupaka wa koreya y'amajyaruguru. 

Amakuru akomeje gucicikana ku mbuga nkoranyambaga aragaragaza amashusho y'uburinzi bukomeye burimo n'amapikipiki yakomeje guherekeza gariyamoshi kugera muri gare ndetse bukaza no gukomereza no mu murwa mukuru rwagati. 

Minisiteri ishinzwe ububanyi n'amahanga y'ubushinwa yatangaje ko nta makuru ifite ajyanye n'uru ruzinduko, bityo ko Perezida wa Koreya ya ruguru  Kim Jong-un atigeze ahagera kandi ko abasuye babitangaza. 

         Uwa mbere iburyo, Perezida wa Koreya ya ruguru Kim Jong


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd