Mu mirwano yongeye kubura muri Kivu y'amajyepfo mu gihugu cya Repubulika iharanira demokarasi ya Congo,abasirikare 4 ba FARDC nibo bamaze guhitanwa nayo mu gihe n'abarwanyi bagera kuri 3 nabo bapfuye.

 

By Ubwanditsi | Views : 9177 | Kuya 04-01-2016 09:53



Aya makuru yatangajwe ku wa kane tariki ya 31 n'igisirikare cya Congo Kinshasa aremeza ko ingabo zabo 4 zaguye muri iyi mirwano izindi zigakomereka n'abarwanyi bari bahanganye hakagwamo 3.

Iyi mirwano hagati y'ingabo za DRC ( FARDC) n'umutwe wa Raïa Mutomboki yabaye mu ijoro ryo kuwa gatatu tariki ya 30 werurwe mu karere ka Kabare,mu birometero bigera kuri 40 mu burengerazuba bw'umujyi wa Bukavu,umujyi mukuru w'intara ya Kivu y'amajyepfo.

Aya makuru,umuvugizi w'ingabo muri kano karere,capitaine Dieudonné Kajibwami akaba yarayatangarije ibiro ntaramakuru by'abafaransa aho akomeza avuga ko nubwo imirwano yahagaze bakomeje ibikorwa byo gushaka abarwanyi b'uyu mutwe wa Raïa Mutomboki.

Umutwe wa Raïa Mutomboki washinzwe mu mwaka wa 2005 i Shabunda ugamije kwirwanaho no kwirinda ubugizi bwa nabi bwa FDLR yasize ikoze Jenoside mu Rwanda ikimukira mu mashyamba ya Congo.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd