Polisi y’u Rwanda ifunze abagabo babiri bakaba barafashwe ku buryo butandukanye ubwo batoboraga amazu mu masaha y’ijoro kugira ngo bibe ibikoresho byarimo.Abafashwe ni Desire Ndabarushimana, na Jean d'Amour Bajyimbere bakaba barafatiwe mu cyuho bapfumura amazu mu turere twa Gasabo na Nyarugenge.

 

By Ubwanditsi | Views : 12663 | Kuya 09-27-2015 05:06



Polisi y’u Rwanda ifunze abagabo babiri bakaba barafashwe ku buryo butandukanye ubwo batoboraga amazu mu masaha y’ijoro kugira ngo bibe ibikoresho byarimo.Abafashwe ni Desire Ndabarushimana, na Jean d'Amour Bajyimbere bakaba barafatiwe mu cyuho bapfumura amazu mu turere twa Gasabo na Nyarugenge.

Ndabarushimana yafatiwe mu rugo kwa Habumugisha, mu gihe mugenzi we Bajyimbere, we yafatiwe kwa Banzubaze yitegura gucukura inzu ngo yibe ibikoresho byarimo.

Ndabarushimana na Bajyimbere bafungiwe kuri sitasiyo ya Polisi ya Kimironko na Nyarugenge

Avuga kuri ubu bujura, Umuvugizi wa Polisi y’u Rwanda mu Mujyi wa Kigali SP Modeste Mbabazi yavuze ko ubujura nk’ubu bujyana n’ubugizi bwa nabi ku babukora.

Yasabye abaturage kubika neza ibikoresho byabo, asaba ko ubufatanye n’abaturage bwakomeza kugira ngo abakora ibikorwa nk’ibi by’ubujura bafatwe.

SP Mbabazi yakomeje asaba abaturage kujya bahita batanga amakuru kuri sitasiyo za Polisi zibegereye kugira ngo habeho gukumira ibyaha ndetse no gufata abakora ibikorwa bibi by’ubujura n’ubundi bugizi bwa nabi.

Polisi y’u Rwanda ikaba ikomeje gushyira imbaraga mu guta muri yombi abishora mu bikorwa by’ubujura bugenda bugaragara hirya no hino, abantu 20 bakaba baherutse kwerekwa itangazamakuru nyuma yo kwiba ibikoresho by’ikoranabuhanga mu Mujyi wa Kigali no mu nkengero zawo.

Aba beretswe itangazamakuru bakaba bari mu byiciro bitatu: abatobora amazu bakiba ibyo bikoresho, ababitunda ndetse n’abatekinisiye basiba imibare iranga ibyo bikoresho kenshi na kenshi biba byiganjemo za tereviziyo.

No mu karere ka Kayoza naho ku itariki ya 17 Nzeri, herekanywe abasore batanu bibaga ibyo bikoresho mu gasantere ka Kayonza no mu duce tw’ako karere.

Bariya bajura icyaha nikibahama bashobora kuzahanishwa igifungo gishobora kugera ku myaka ibiri nk’uko bikubiye mu ngingo ya 300 yo mu gitabo cy’amategeko mpanabyaha cya Repubulika y’u Rwanda.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd