Umukinnyi ukomoka mu gihugu cya Mali wari umaze igihe gito mu ikipe ya rayon sport, Alhassane Tamboula, kuri uyu wa kabiri tariki ya 19 Nzeri, yasezerewe n’iyi kipe ndetse ahita yurira indege imusubiza iwabo nyuma yo kudashimwa n’umutoza.

 

By Habumugisha Theoneste | Views : 1848 | Kuya 09-19-2017 20:01



Alhassane Tamboula yari amaze igihe kirenga ukwezi akora igeragezwa muri rayon sport ariko nyuma yo kudashimwa n’umutoza mukuru akaba yasezerewe anasubira iwabo kuri uyu wa kabiri tariki ya 19 Nzeri 2017.

Umutoza mukuru wa rayon sport, Olivier Karekezi yakunze kuvuga ko Tamboula adashoboye,  atanamwifuza, birangira bagaruye Ismaila Diarra wahoze akinira iyi kipe nawe ukomoka muri Mali.

Mu kiganiro kigufi Tamboula yagiranye n’umurashi.rw yatangaje ko atagize ibihe byiza cyane kandi umutoza batahuje, yongeraho ko azakumbura mu Rwanda.

Yagize ati : “ byari kuba byiza iyo mpaguma ariko ntakundi nzahakumbura, ndibaza ko mpasize inshuti nzagaruka”.

Kuri uyu wa gatatu tariki ya 20 Nzeri 2107 kuva isa cyenda n’igice rayon sport ifite umukino wa gicuti na Etincelle I Rubavu, ikaba ari naho izakinira umukino wa super coupe na APR FC kuwa gatandatu w’icyi cyumweru, Ismaila Diarra akazagaragara muri uyu mukino hatagize igihinduka.

                                             Alhassana Tamboula


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd