Ubwo yasozaga imyitozo ye ya kabiri mu ikipe ya rayon sport kuri uyu wa kabiri tariki ya 14 gashyantare 2017, kuri stade ya Mumena mu mujyi wa Kigali ahagana mu ma sa yine za mugitondo, Myugariro Rwatubyaye Abdul mu kiganiro n'umurashi.rw yatangaje ko yongeye gutungurwa n'abakunzi b'iyi kipe.

Rwatubyaye Abdul yagize ati :

" nkomeje gutungurwa n'abakunzi bacu ba Rayon umunsi k'umunsi, ejo narinzi ko baje kundeba hatarimo urukundo, ariko nongeye gutungurwa k'uyu munsi wa kabiri ubwo nongeye kubona abantu bangana gutya ku kibuga baje kudushyigikira ku myitozo, birankumbuza gusubira gukina amakipe ahanganye, ndumva nyotewe shampiyona cyane".

Imyitozo yo kuri uyu wa kabiri tariki ya 14, yongeye kwitabirwa n'abafana bakomeje kumugaragariza urukundo aho bamuteruye mu rwego rwo kumwereka ko bamubabariye byose, bamusaba kubaha umusaruro. 

Ubwo twageragezaga kubaza ibijyanye n'uko yazakina umukino wo kwishyura wa wau salam yo muri Sudan y'Amajyepfo, umutoza Maurice yavuze ko ataremererwa, ko azakina imikino itaha mu gihe rayon sport izaba ibashije gusezerera iyi kipe.