Uwitwa Seraphine Mukamuganga w’imyaka 38 we yafatiwe mu murenge wa Gahanga  mu masaha y’umugoroba  afite litiro  200 z’inzoga zitemewe zizwi ku izina rya muriture.

 

By Habineza Gabriel | Views : 13692 | Kuya 03-07-2016 06:23



Abandi bafashwe akaba ari  Eriyedi Nzigiyimana w’imyaka  24 na  Martin Ngendahayo w’imyaka  32 bafatiwe mu karere ka  Huye,  umurenge wa Rusatira ku wa gatandatu tariki ya 05 Werurwe. Aba bafatanywe udupfunyika 2100 tw’urumogi, ubu bakaba bafungiye kuri sitasiyo ya Polisi ya Rusatira mu Karere ka Huye.

Umuvugizi wa Polisi y’u Rwanda  mun ntara y’amajyepfo Chief Inspector of Police (CIP)  Andre Hakizimana yavuze ko aba bagabo bafashwe  kubera amakuru bahawe n’abaturage.

Yavuze ko nyuma yo kubona amakuru  bahise bihutira gukorana n’inzego z’ubuyobozi bw’aho maze abo banyabyaha bahita bafatwa.

Yongeyeho ko iyo bakoranye neza n’abaturage hamwe n’ubuyobozi bituma batahura ibyaha bigakumirwa bitaraba  kandi bikaba bitanga umusaruro.

CIP Hakizimana yavuze kandi ko hari hashize igihe hangijwe ibiyobyabwenge ubwo abayobozi na Polisi bakanguriye abaturage kwirinda ibiyobyabwenge cyane cyane birinda inzoga z’inkorano kuko zibangiriza ubuzima.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd