Mu rugendo rwa mbere agize muri Afurika aho ari mu gihugu cya Kenya, Papa Francis mu kiganiro amaze kugirana n’abayobozi b'amadini ya Isilamu n'ay'Abakirisitu muri iki gihugu,abasabye kudakoresha Imana mu mvugo z’ubwicanyi.

 

By Muhire Norbert | Views : 12600 | Kuya 11-26-2015 09:41



Mu kiganiro cye cya mbere agejeje ku banyamadini yaba ay’abakirisitu n’ay’abasilamu mu gitondo cyo kuri uyu wa kane tariki ya 26 ugushyingo 2015,Papa Francis asabye abayobozi b’aya madini kudakoresha Imana mu mvugo z’ubwicanyi.

Muri uyu mubonano, Papa Francis yavuze ko ibiganiro hagati y'amadini atandukanye bigoye,yongeraho ko ariko biri ngombwa.


                Papa Francis asaba ko izina ry'Imana ritakoreshwa mu mvugo z'ubwicanyi

Afatiye ku bitero byahitanye benshi byagabwe n'abarwanyi ba ki Islam kw'isoko rya kijyambere rya Westgate na kaminuza ya Garrisa muri Kenya, yavuze ko izina ry'Imana ritagomba gukoreshwa mu mvugo z'ubwicanyi.

Nyuma y’icyo kiganiro Papa Francis yerekeje muri kaminuza ya Nairobi aho yagiye kuyobora igitambo cya Misa.

Mu rwego rwo kumucungira umutekano, abapolisi n'abasirikare bakaba baje gufasha gusaka abantu baje mw'iyi misa kugirango hatagaragara n’ibindi bikorwa bitari byiza.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd