Mu burasirazuba bw’igihugu cya Kenya, abarwanyi b’umutwe w’Abashebabu wo muri Somalie bakomeje kongera ibitero, mu gihe abenegihugu bahugiye mu kwitegura amatora ateganyijwe mu byumweru bitatu biri imbere.

 

By Umutoni Solange | Views : 1239 | Kuya 07-16-2017 22:38



Umutekano mu burasirazuba bw’igihugu cya Kenya mu gace kegereye Somalie ntiwifashe neza, kuva mu kwezi kwa 5, abapolisi barenga 20 n’abaturage barenga 10 batakarije ubuzima mu bitero by’abajihadisite b’abashebabu.

Amakuru yemezwa n’abategetsi muri Kenya, aravuga ko kuwa kane w’icyumweru gishize tariki 13 Nyakanga 2017, imodoka yari itwaye Miriam El Maawy, umwe mu bakozi ba minisiteri y’ibikorwaremezo, yagabweho igitero, abantu batanu barapfa abandi barakomereka.

Mu cyumweru cyari cyashize, mu cyaro cya comté Lamu, abaturage bagera ku 9 bari bagabweho igitero.

Kubera ibi bitero bikomeje kwiyongera, Nelson Marwa, umuhuzabikorwa w’akarere, yatangaje ko bagiye kugaba ibitero by’indege mu ishyamba rya Boni ahatuye amajana y’abajihadisite.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd