Mu gihugu cya Kenya kuya 08 kanama 2017 bazaba bari mu matora y'umukuru w'igihugu, Uhuru Kenyatta wari usanzwe ari kuri uyu mwanya akaba agiye kongera kuwuhatanira na Raila Odinga, bari bawuhanganiye muri 2013.

 

By Umutoni Solange | Views : 8127 | Kuya 04-28-2017 10:30



Mu gihugu cya Kenya, ihuriro ry'abatavuga rumwe n'ubutegetsi ryongeye kugirira Raila Odinga ikizere cyo kubabera umukandida mu matora y'umukuru w'igihugu ateganyijwe tariki ya 08 kanama uyu mwaka.

Raila Odinga wabaye minisitiri w'intebe yahanganye bikomeye na Perezida Uhuru Kenyatta amushinja kwiba amajwi ubwo bahataniraga umwanya w'umukuru w'igihugu, bikarangira Kenyatta ariwe wegukanye intsinzi agize bigoranye amajwi 50% mu matora yo muri 2013.

Aya matora azaba kuya 08 kanama uyu mwaka, bizaba ari ku nshuro ya 3 Raila Odinga ahanganira umwanya w'umukuru w'igihugu, yahanganye na Mwai Kibaki, ahangana na Uhuru Kenyatta, bakaba bagiye kongera guhatana bwa 2.

Raila Amolo Odinga yavutse tariki ya 7 mutarama 1945 i Maseno, aba umugabo wakoze politiki cyane wanabaye minisitiri w'intebe, mu gihe Uhuru Kenyatta yavutse tariki ya 26 ukwakira 1961 mu bwoko bw'aba Kikuyu, mu murwa mukuru Nairobi mu gihugu cya Kenya, aba Perezida w'igihugu tariki ya 09 mata 2013.

                  Uhuru Kenyatta na Raila Odinga bagiye kongera guhanganira mu matora


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd