Mu gihugu cya Kenya mu gace ka Mandera, mu gitondo cyo kuri uyu wa kabiri abantu bagera kuri 12 bongeye kugwa mu gitero cy'ubwiyahuzi. 

 

By Umutoni Solange | Views : 5376 | Kuya 10-25-2016 11:31



Ni ku nshuro ya 2 mu gihe kitageze ku kwezi, mu gace ka Mandera hongeye kugabwa igitero, uyu mujyi wa Mandera uherereye mu majyaruguru y'iburasirazuba bw'igihugu cya Kenya, mu gace kari ku rubibi rw'umupaka na Somalie.

Umuyobozi wa Polisi mu gace ka Mandera, Job Boronjo, yabwiye itangazamakuru ryo muri Kenya ko abantu bagera kuri 12 basize ubuzima muri iki gitero.

Job Boronjo yagize ati:"kugera ubu twabonye imibiri y'abapfuye igera kuri 12, dukomeje gushakisha twifashishije Polisi ishinzwe kurwanya iterabwoba hamwe n'imbwa zabigenewe".

Iki gitero cyagabwe mu gitondo cyo kuri uyu wa kabiri tariki ya 25 ukwakira 2016, nubwo nta mutwe urakigamba, kibaye icya kabiri kibaye muri kano gace ka Mandera mu gihe kitarenze ukwezi 1, igitero cyabanje cyagabwe ku itariki ya 06 ukwakira, kigambwa n'intagondwa zo mu mutwe wa leta ya kisilamu w'aba shebab bo muri Somalie.

             Igitero cyo kuya 6 ukwakira 2016 mu mujyi wa Mandera, cyahitanye abantu 6 



Amazina
E-mail
Igitekerezo