Muri repubulika iharanira demokarasi ya congo, muri Kasaï Central, umutwe w'abarwanyi ba Kamuina Nsapu watswitse kandi usahura ahakorerwa imirimo ya leta n'ahari ibiro bya komisiyo y'amatora, ahakorera umuyobozi mukuru w'akarere ka Kazumba (Kasaï-Central).

 

By Idrissa Katumbi | Views : 4431 | Kuya 03-14-2017 10:13



Aya makuru y'itwika n'isahurwa ry'ahakorerwa imirimo ya leta n'ahari ibiro bya komisiyo y'amatora yemejwe n'umuyobozi w'akarere ka Kazumba muri Kasaï-Central mu kiganiro yagiranye na Radio Okapi ku munsi w'eko kuwa mbere tariki ya 13 Werurwe 2017.

Godefroid Kalenga, umuyobozi w'akarere ka Kazumba uri mu buhungiro ahitwa Kananga yagize ati:

" akarere ka Kazumba karasahuwe, inyandiko zose zangombwa zaratwitswe, basahuye komisiyo y'amatora (CENI), ibiro by'akarere n'ahatuye umuyobozi w'akarere. Ni abayoboke ba Kamuina Nsapu bayogoje agace ka Dibaya, aka Dimbelenge kugera mu ka Kazumba".

Godefroid Kalenga yakomeje avuga ko ingabo za Kamuina Nsapu zikomeje gukwira mu ntara yose, asaba abategetsi bakuru b'igihugu, ko babinyuza mu nzira z'ibiganiro hakabaho ubwumvikane ibintu bitarafata intera ndende.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd