Jenerali Gilbert Diendere wahiritse ubutegetsi igihe gito mu kwezi kwa cyenda 2015 muri Burkina Faso yashinjijwe icyaha cy'ubufatanyacyaha mu iyicwa rya Thomas Sankara wari umukuru w'igihugu.

 

By Muhire Norbert | Views : 20937 | Kuya 12-07-2015 11:11




Jenerali Diendere niwe mutegetsi wo hejuru ubaye uwa mbere ushinjwe kugira uruhare mu iyicwa rya Thomas Sankara.

Thomas Sankara wayoboye igihugu cya Burkina Faso yishwe mu 1987 n'igisirikare ariko uburyo yapfuyemo bwakomeje kuba amayobera.

                      Thomas Sankara

Sankara wafatwaga nk’intwari y’Afurika amaze kwicwa ubutegetsi bwafashwe na Blaise Compaore wabugumanye mu gihe cy'imyaka 27.

Jenerali Diendere waje kuba umuyobozi w'urwego rushinzwe iperereza ku butegetsi bwe yafatwaga nk'inshuti ya hafi ya Sankara.

         Jenerali Diendere

Jenerali Diendere yakunze kuvuga ko nta ruhare yigeze agira mu rupfu rwa Sankara, akavuga ko ibyabaye bizwi kandi ko nta kintu afite cyo guhisha kuri byo.

Nkuko amakuru umurashi.rw ukesha Radiyo Mpuzamahanga y'abongereza abivuga,ku butegetsi bwa Compaore, iperereza ku rupfu rwa Sankara ryagiye rigenda gahoro cyane.

Thomas Sankara yavutse tariki ya 21 ukuboza 1949 i Yako muri Haute Volta,apfa yishwe tariki ya 15 ukwakira 1987 i Ouagadougou muri Burkina Faso.

                      Ahashyinguwe intwari Thomas Sankara



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd