Perezida w'igihugu cy'uburusiya Vladimir Poutine, ku munsi w'ejo, kuwa kabiri tariki ya 11 ukwakira 2016, yasubitse urugendo yagombaga kugirira mu gihugu cy'ubufaransa mu rwego rw'ibiganiro ku kibazo cya Siriya, bituma ibihugu byombi hazamo uruntu runtu ndetse n'ibitangazamakuru hirya no hino ribigarukaho cyane aho ryavugaga ko yaba ari intangiriro y'intambara y'ubutita.

 

By Umutoni Solange | Views : 5796 | Kuya 10-12-2016 13:15



Mu itangazamakuru ryo mu burusiya, isubikwa ry'urugendo rwa Perezida Poutine mu bufaransa, Umusesenguzi Fiodor Loukianov, yavuze ko ryafashwe nk'ikintu gikomeye kibutsa ibihe by'intambara y'ubutita (guerre froide).

Ikinyamakuru "Kommersant", cyatangaje ko iri subikwa ry'uru rugendo rishobora gutuma habaho kwihutishwa mu gushyira hamwe kw'ibihugu byo mu burengerazuba bw'isi mu kurwanya uburusiya.

Mu gihe cy'intambara yo muri  ukraine, Perezida w'igihugu cy'ubufaransa yari umuhuza, agendera kuri politiki yigenga ugereranyije na Perezida Obama, ariko ubu François Hollande, yanze kwemera ukuri kuvugwa n'ubutegetsi bwa Moscou.

Mu gihugu cy'ubufaransa, abatavuga rumwe n'ubutegetsi babonye umwanya wo kunenga Perezida François Hollande, kuba yagombaga kwakira Perezida Vladimir Poutine, ko atari umwanya wabyo, aho bashimye bivuye inyuma isubikwa ry'uru rugendo.

Isubikwa ry'urugendo rwa Perezida w'uburusiya, Vladimir Poutine i Paris ryatangajwe mu minota mike mbere y'uko Perezida w'ubufaransa, François Hollande ageza ijambo imbere y'inteko ishingamategeko y'akanama k'uburayi i Strasbourg, aho yagarutse ku kibazo cy'uburenganzira bw'ikiremwamuntu mu isi, yibanda cyane kubakomeje kwicwa muri Siriya cyane cyane mu gace ka Alep mu mirwano hagati y'ubutegetsi bwa Bachar el-Assad n'indege z'igisirikare cy'uburusiya.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd