Mu gitondo cyo kuri uyu wa mbere tariki ya 30 gicurasi mu mujyi wa Fallouja,habereye igitero cy'ingabo za Iraki zagose impande 4 z'uyu mujyi umaze igihe kinini warigaruriwe n'abarwanyi b'umutwe wa leta ya kisilamu,iyi mirwano ikomeye ikaba yabujijie abaturage guhunga.

 

By Umutoni Solange | Views : 10290 | Kuya 05-30-2016 10:10



Umujyi wa Fallouja uherereye mu birometero 50 mu burengerazuba bw'umurwa mukuru Bagdad wagabweho ibitero mu rwego rwo kurwanya umutwe wa leta ya kisilamu wawigaruriye nkuko byemejwe n'abayobozi b'icyi gitero.

Umujyi wa Fallujah uri mu mijyi leta ya Kisilamu imazemo igihe kinini yarayigaruriye mu gihugu cya Iraki.

Kubera ibi bitero bikomeye by’indege n’ibyo hasi byagabwe muri uyu mujyi , abaturage bahuye n'ibibazo bikomeye kuko  babuze aho bamenera ngo bahunge.

Amakuru dukesha Ijwi ry'Amerika, aravuga ko Abagera kuri 800 bo babashije guhunga mu gihe ababarurirwa mu bihumbi bo bacyugarijwe muri uyu mujyi.

Melissa Fleming, umuvugizi w'umuryango w'abibumbye, ONU yatangaje ko hari amakuru avuga ko hari abasivile bishwe bamwe bagahambwa babona mu mazu basenyeweho.

Uyu muryango w'abibumbye ukaba wasabye ko hashyirirwaho uburyo abaturage bwo guhunga kandi bakabona ibikenerwa mu buzima.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd