Nyuma y'amezi agera kuri 7 abarwanyi b'umutwe wa Islamic State bafashe umurwa mukuru w'intara ya Anbar, Ramadi,Abategetsi mu gisirikare cya Iraq batangaje ko bamaze gushinga ibendera ry’igihugu ku nyubako ya Leta,mu mujyi wa Ramadi nyuma yo kuhabohoza.

 

By Umutoni Solange | Views : 17388 | Kuya 12-29-2015 08:35



Mu gihugu cya Irak Minisitiri w'intebe Haïdar al-Abadi mu butumwa yatangarije kuri Televiziyo kuri uyu wa mbere tariki ya 28 ukuboza 2015 yashimiye ingabo z'igihugu kuba zarabohoje umujyi wa Ramadi wari warigaruriwe n'abarwanyi b'umutwe wa islamic state kuva mu kwezi kwa gicurasi uyu mwaka wa 2015.

Haïdar al-Abadi yijeje abaturage b'igihugu ko umwaka wa 2016 uzaba umwaka w'intsinzi kuko bazigarurira uduce twose uyu mutwe wa Islamic state wafashe,nka Mossoul umujyi munini uri mu majyaruguru y'igihugu izi ntagondwa zigaruriye.

                                      Ingabo za Irak nyuma yo kubohora umujyi wa Ramadi

Abategetsi b’igisirikare cya Iraq ntibahuza kubijyanye n’intsinzi bavuga ko baba bamaze kugeraho mu kwigarurira Ramadi.

Burigadiye Jenerali Yahya Rasool yatangarije kuri television ya Leta ko kuri uyu wa mbere intara ya Ramadi yabohowe ariko umukuru uyoboye ibikorwa bya gisirikare mu ntara ya Anbar,ariwe jenerali Ismail Al-Mahlawi, we avuga ko ibice by’uwo mujyi bikiri mu maboko y'abarwanyi ba Islamic State. 



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd