Akarere ka Kirkouk, gaherereye mu majyaruguru y'igihugu cya Irak, kuri uyu wa gatanu tariki ya 21 ukwakira 2016, kagabweho ibitero n'Abajihadisite, byahitanye abapolisi bagera kuri 6 n'abajihadisite 12. 

 

By Umutoni Solange | Views : 7077 | Kuya 10-21-2016 10:06



Amajana n'amajana y'abantu bitwaje intwaro bo mu mutwe w'abajihadisite, bigabye mu nzira zo mu mujyi wa Kirkouk, mu majyaruguru y'igihugu cya Irak, bahangana n'igipolisi aho abapolisi bagera kuri 6 bahise bahasiga ubuzima, ku ruhande rw'abajihadisite hagapfa 12.

Iki gitero cyagabwe mu gitondo cyo kuri uyu wa gatanu tariki ya 21 ukwakira 2016 aho kibasiye inyubako za leta mu mujyi wa Kirkouk n'urugomero rw'amashanyarazi rwa Dibis.

Imibare yanyuma itangazwa n'ubutegetsi ikaba ivuga ko iki gitero cyahitanye abantu bagera kuri 17.

Uhagarariye ibiro ntaramakuru by'abafaransa, Agence France-Presse (AFP), yatangaje ko yiboneye abagabo 9 b'abarwanyi mu muhanda wo mu gace ka Adan.

Abatangabuhamya baganiriye na radiyo mpuzamahanga y'abafaransa, bavuze ko kuva mugitondo cyo kuri uyu wa gatanu bumvise urusaku rw'amasasu n'ibibombe biturika

Haidar Abdel Hussein, umwarimu uba mu gace ka Tesaeen, aganira na AFP yagize ati:" ubwo twari mu masengesho mu masaha ya mugitondo, nabonye abajihadisite binjira muri uyu musigiti wa al-Mohammadi, maze dukoresha indangururamajwi tuvuza induru".

Umupolisi w'ipeti rya coloneli, yabwiye AFP ko icyi gitero cyabereye Kirkouk, cyahitanye abapolisi 6 n'abajihadisite 12, imibare yaje kwemezwa n'undi muyobozi w'umunya Irak w'ipeti ryo ku rwego rwo hejuru.

Ingabo z'aba kurdes ahabereye igitero cy'abajihadisite muri Kirkouk, kuya 21 ukwakira 2016

     Inzego z'umutekano zihangana n'abajihadisite muri Kirkouk, kuya 21 ukwakira 2016


Amazina
E-mail
Igitekerezo