Mu mujyi wa Goma mu ntara ya Kivu y'Amajyaruguru ,ku mugoroba wo kuri uyu wa gatatu hongeye gupfa umuntu 1 abandi benshi barakomereka ubwo ikipe ya DRC yabonaga itiki yo kugera ku mukino wanyuma mu mikino ya Chan.

 

By Muhire Norbert | Views : 14406 | Kuya 02-04-2016 14:02



Ku mugoroba wo kuri uyu wa gatatu tariki ya 03 Gashyantare 2016,i Kigali mu murwa mukuru w'u Rwanda,imikino y'igikombe cya Afurika ku bakinnyi bakina imbere mu bihugu (Chan) ikomeje kuhabera,ikipe ya DRC niyo yaraye ibonye itiki bwa mbere yo kuzakina umukino wa nyuma,nyuma yo gutsinda ikipe ya Guinea kuri Penalite nyuma y'iminota y'inyongera kuko umukino wari urangiye amakipe yombi anganya 1-1.

                                                     Abakinnyi ba DRC bishimira intsinzi

Amakuru aturuka mu mujyi wa Goma muri Polisi n'abaganga aravuga ko umuntu umwe yaba yitabye Imana,abandi benshi bagakomereka ubwo abanye Congo bishimiraga intsinzi y'ikipe yabo.

Mbere gato y'uko umukino urangira ubwo ikipe ya Guinea yabonaga igitego cyo kwishyura kuko DRC yari yabanje igitego,ako kanya mu mujyi wa Goma 2 bari bakurikiye uyu mukino bahise bafatwa n'umutima,abo ni umukobwa w'imyaka 20 utuye mu gace ka Keshero n'umusore w'imyaka 30 utuye mu gace ka Mabanga bahise bajyanwa mu bitaro.

Nyuma y'umukino, DRC ikigera ku mukino wa nyuma ,byari ibyishimo bidasanzwe aho imodoka zivanze n'amapikipiki n'abanyamaguru byari uruvangitirane mu mujyi wa Goma bituma bamwe bakomereka cyane , polisi ijyana inkomere mu bitaro.

Ubwo DRC yasezereraga u Rwanda mu mukino wa 1/4 nabwo kubera kwishimira intsinzi,mu mujyi wa Goma,umuntu 1 yitabye Imana abandi barakomereka.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd