Indege yo mu bwoko bwa Airbus A320 ya kompanyi yo muri Libiya yitwa Afriqiyah Airways ikora ingendo z'imbere mu gihugu, kuri uyu wa Gatanu tariki ya 23 ukuboza 2016, yibwe n'abantu bataramenyekana bayijyana mu kirwa cya Malte kiri hagati ya Libiya n'Ubutaliyani.

 

By Muhire Norbert | Views : 4809 | Kuya 12-23-2016 13:52



Itangazamakuru ryo muri Libiya ryavuze ko iyi ndege yibwe igashyirwa ku kibuga cy'indege cyo mu kirwa cya Malte, abantu 118 akaba aribo bari bari muri iyi ndege, 7 muri bo ari abakozi bayo.

Iyi ndege ikora ingendo 2 zihoraho imbere mu gihugu, hagati y'umujyi wa Sebha uri mu majyepfo ya Libiya hamwe n'umurwa mukuru Tripoli, buri munsi ihaguruka sa yine n'iminota icumi za mugitondo (10h10) ikagera aho ijya sa tanu n'iminota makumyabiri (11h20).

Kuri uyu wa gatanu tariki ya 23 ukuboza 2016, iyi ndege yakomeje inzira igana mu majyaruguru , ifata ikirere cyo mu kirwa cya Malte, kiri hagati ya Libiya na Sicile mu gihugu cy'Ubutaliyani, igwa ku kibuga mpuzamahanga cy'indege cya Valette, ikaba kuri ubu nk'uko bitangazwa na radio mpuzamahanga y'abafaransa yashyizwe muri Parikingi numero ya 5.

Minisitiri w'intebe wa Malte, Joseph Muscat, ahagana 11h36 abinyujije ku rukuta rwe rwa Twitter yavuze ko bishoboka ko haba habayeho igikorwa cy'ubujura, yongeraho ko bimenyeshwa inzego z'umutekano z'igihugu cye n'ibihugu bigize umuryango w'ubumwe bw'uburayi.

Iyi Twitter y'uyu muyobozi yagaragaje kandi ko muri aba bari mu ndege, bagaragaye hasi ku butaka mu kibuga harimo 7 b'abakozi bayo, abagenzi 111 harimo abagabo 82, abagore 28 n'umwana 1.

Igihugu cya Libiya nacyo cyatangaje ko kibwe, hakaba hatangiye kuganirwa hagati ya Libiya na Malte kugirango hizezwe umutekano ku bantu bari muri iyi ndege.

Abantu 2 bagaragaye aho iyi ndege yahagurukiye bafite Gerenade bikaba bikekwa ko baba ari abari bashyigikiye Kadhafi wahoze ayobora Libiya. 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd