Tariki ya 16 Mutarama 2001 - Tariki ya 16 Mutarama 2017, imyaka 16 irashize uwahoze ayobora repubulika iharanira demokarasi ya congo Laurent Désiré Kabila yishwe arashwe, abafunzwe bashinjwa urupfu rwe bakaba basabiwe kurekurwa.

 

By Idrissa Katumbi | Views : 6153 | Kuya 01-16-2017 12:49



Intumwa ziri mu biganiro by'amahoro i Kinshasa muri repubulika iharanira demokarasi ya congo, ziyobowe n'abashumba ba Kiriziya Gaturika zasabye ko nkuko bijyanye n'icyemezo cya komisiyo y'Afurika iharanira uburenganzira bw'ikiremwamuntu n'ubw'abaturage, nta yandi mananiza kandi bikwiye guhita byubahirizwa, abantu bari bafunzwe bashinjwa kwica Perezida Laurent Désiré Kabila mu 2001 bagomba guhita barekurwa.

Maître Georges Kapiamba, umuhuzabikorwa w'ishyirahamwe ry'abanyecongo riharanira kugera k'ubutabera (Association congolaise pour l'accès à la justice (Acaj), yavuze ko repubulika iharanira demokarasi ya congo iri mu muryango w'ubumwe bw'Afurika ikaba n'umunyamuryango wa komisiyo y'Afurika y'uburenganzira bw'ikiremwamuntu, ikaba ifite inshingano zo kubahiriza amategeko n'ibyo inkiko zisaba.

Abantu bagera kuri 48 nibo bari muri gereza i Kinshasa no muri Angenga, mu yahoze ari intara ya Equateur, imyaka 16 bashinjwa kwica Laurent Désiré Kabila mu 2001. 

Mu nyandiko ya Francis Kpatindé, mu kinyamakuru Jeune Afrique l'intelligent n° 2089, yo kuwa 23 kugera kuwa 29 Mutarama 2001, yavuze ko « kadogo » umusirikare muto w'ipeti rya caporali ufite izina rya Rachidi, yagiye agana aho Perezida Laurent-Désiré Kabila ari, akamusatira agahita amurasa, ariko nawe akaza kuraswa n'abarinzi.

Tariki ya 16 Mutarama 2001 ahagana isa saba z'amanywa(13h00), Laurent-Désiré Kabila yari mu biro bye mu ngoro ya Marbre, iri mu gace ka huppé de Binza, muri Kinshasa. mu gitondo cy'uyu munsi, yakiriye mu biro bye abantu batandukanye barimo abikorera n'abapolisi, mu gihe cyo gufata ifunguro rya mugitondo yakiriye uwari umujyanama we mu by'ubukungu Mota, wagombaga kuzamuherekeza nyuma y'iminsi 2 i Yaoundé, aho yagombaga kwitabira inama ya XXI ihuza Afurika n'ubufaransa.

Laurent-Désiré Kabila yarashwe mu ijosi no munda. 

Laurent-Désiré Kabila yagiye k'ubutegetsi muri gicurasi 1997 asimbuye maréchal Mobutu

         Laurent-Désiré Kabila  yarashwe tariki ya 16 Mutarama 2017


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd