Igitego kimwe rukumbi cyabonetse mu mukino waraye uhuje Everton na Liverpool gitsinzwe na Sadio Mane mu minota y'inyongera, cyaraye gitumye Liverpool irara ku mwanya wa 2 muri shampiyona y'umupira w'amaguru mu cyiciro cya mbere mu gihugu cy'ubwongereza.

 

By Habumugisha Théoneste | Views : 5502 | Kuya 12-20-2016 09:55



Umukino wa Everton na Liverpool wabereye Goodison Park ku munsi w'ejo kuwa mbere tariki ya 19 ukuboza 2016, kuva sa yine z'ijoro(22h00), ukurikirwa n'abantu bagera ku 39590, uyoborwa n'umusifuzi w'umwongereza Mike Dean.

Kuva uyu mukino utangiye kurinda urangira, ikipe zombi zagaragaje gusatirana gukomeye bitewe n'inyota y'ibitego, ariko zirinda zigera ku munota wa 90 w'umukino nta gitego kiraboneka ku mpande zombi.

Mu minota 8 y'inyongera umusifuzi Mike Dean yashyizeho, nibwo ahagana kuwa 4, Sadio Mane wa Liverpool yatsindiye ikipe ye igitego nyuma y'uko umuzamu wa Everton yari agaruye ishoti rinini ryari ritewe na Daniel Sturridge wari winjiye asimbuye , maze agasubizamo.

Uku gutsinda kwa Liverpool nyuma yo kurangira ari 1-0, byahise bituma isimbura Manchester City ku mwanya wa 2, aho yahise igira amanota 37 ikarushwa na Chelsea iyoboye urutonde rw'agateganyo amanota 6.

                               Sadio Mane wa Liverpool atsindira ikipe ye igitego

                                    Abakinnyi ba Liverpool bishimira igitego

                    Umutoza wa Liverpool, Jurgen Klopp yishimiye cyane intsinzi

Ibipimo bigaragaza uko umukino wagenze:


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd