Abayobozi na Polisi yo mu mujyi wa Bujumbura mu gihugu cy'u Burundi batangaje ko bavumbuye icyobo gishobora kuba cyarahambwemo abantu benshi bishwe muri iki gihugu mu gihe cy' amezi arenga 10 bari mu mvururu.

 

By Ubwanditsi | Views : 17556 | Kuya 02-29-2016 20:57



iki cyobo cyagaragaye ku muhanda wa 9,i Mutakura mu gace ka Cibitoke .

Mutakura akaba ari agace kagaragayemo cyane imyigaragambyo y'abatemera manda ya 3 ya Perezida Pierre Nkurunziza.

Polisi n'abayobozi b'umujyi wa Bujumbura batangaje ko iki cyobo bakeretswe n'abaturage.

Iki cyobo cyahise gicukurwa habonetsemo imibiri y'abantu 3 ariko umuyobozi w'umujyi wa Bujumbura, Freddy Mbonimpa avuga ko amakuru bafite ari uko hatawemo abantu bashobora kuba barenga 30.

Nubwo izi nzego zitangaza aya makuru,ntawuramenya abo bantu abaribo, igihe biciwe, n'uburyo bahatawe,ariko bakongeraho ko bakeka ko yaba ari abantu bahorwa ko batari bashyigikiye imyigaragambyo.

Amakuru dukesha Radio ry'Abongereza aravuga ko Abatavuga rumwe na leta y'i Burundi,bagumye bemeza ko hari abantu bafatwa n'abashinzwe umutekano hanyuma ntibasubire kuboneka ahubwo hagatoragurwa imirambo yabo.

Mu kwezi kwa mbere ishyirahamwe riharanira uburenganzira bw'ikiremwamuntu, Amnesty international, ryari ryerekanye amashusho  yafashwe na satellite y'ahantu haba harahambwe abantu benshi muri komine Gihanga ariko leta irabihakana.

Umuyobozi wa Bujumbura yemeye ko mu bantu bishwe itariki 11 ukwezi kwa 12 umwaka ushize hari 58 bahambwe n'inzego z'umutekano mu marimbi azwi.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd