Umuyobozi w’urwego wa Monusco  rushinzwe gusubiza mu buzima busanzwe ndetse no gushyira mu gisirikare  cya Leta abahoze ari abarwanyi  b’imitwe yitwara gisirikare irwanya Leta ya Congo ‘’DDRRR’’, Taz Greyling yagaragaje impamvu abarwanyi b’umutwe  wa M23 bakomeje kwinangira  gutaha  kandi itariki ntarengwa bari bahawe yarenze.

 

By Habineza Gabby | Views : 23982 | Kuya 12-17-2015 06:55



Kuri uyu wa Gatatu tariki  16 Ukuboza,2015 ubwo Taz Greyling yemezaga ko  abarwanyi 12 ba M23 aribo batahutse  bava muri Uganda mu gihe muri iki gihugu  habarirwamo  abarwanyi b’uyu mutwe barenga 1000  aho  bari basabwe n’Inama Mpuzamahanga y’Akarere k’ibiyaga bigari  (CIRGL)  kugeza tariki ya 15 z’uku kwezi  turimo bose barangije gusubira muri  Repubulika iharanira Demokarasi ya Congo  yatunze agatoki  bamwe mu bayobozi b’uyu mutwe kuba ba nyirabayazana .

Taz Greyling ejo ku wa Gatatu mu nama  y’Umuryango w’Abibumbye mu mujyi wa Goma akaba yaremeje ko kuba abarwanyi ba M23 bakomeje kwinangira bakanga gutaha biterwa n’abamwe mu bayobozi  bagize agatsiko  bababuza aho usanga  babatera ubwoba ndetse bakabaha amakuru atariyo.

Ati« Harimo kutumva ibintu kimwe  bamwe mu bayobozi bakuru ba M23,amakuru atariyo,iterabwoba ,kubuzwa kumenya amakuru ,kubera ibi byose  biterwa n’agatsiko  k’abahoze ari abarwanyi ba M23,ndetse n’uyu mubare w’abarwanyi 12 batahutse wadutunguye cyane »
 
Radio Okapi ikaba itangaza ko hari amakuru avuga ko  hari abarwanyi  573 harimo  12 bose batahutse muri Congo muri iki gihe ntarengwa bari bahawe cyo  kuva tariki ya 1 kugeza ku ya 15 Ukuboza,2015.
  

Nubwo aya makuru avugwa ,CIRGL yo ivuga ko  buri bucye ngo Itariki ntarengwa irangire  nta murwanyi n’umwe wa M23  uba muri Uganda  wigeze atahuka.

Andi makuru akaba  avuga ko  abayobozi b’inzego zitandukanye zaba iza Leta ya  Congo zirebwa n’iki kibazo bari muri Uganda aho bamaze igihe kigera ku byumweru  bibiri  babarura abarwanyi ba M23 bari mu nkambi ya Bihanga mu rwego rwo korohereza abashaka  gutaha ku bushake gusa ngo ntabwo barahura na bamwe mu bayobozi b’uyu mutwe.

Désiré Rwigema umuhuzabikorwa ushinzwe gukurikirana iyubahirizwa  n’ishyirwa mu bikorwa ry’amasezerano y’amahoro ya  Nairobi  ku ruhande rwa M23akaba yaratangaje ko  bo bahora biteguye kubahiriza ishyirwa mu bikorwa ry’aya masezerano.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd