Nyuma y'amasaha macye hatangajwe ko Ali Bongo yatsinze amatora kugirango yongere akomeze ayobore igihugu cya Gabon, mu gace gashyigikiye uwo bari bahanganye, Jean Ping, habaye imvururu aho abamushyigikiye bakozanyijeho n'inzego z'umutekano mu ijoro ryo kuwa gatatu rishyira kuri uyu wa kane tariki ya 01 Nzeli 2016.

 

By Umutoni Solange | Views : 5502 | Kuya 09-01-2016 15:00



Izi mvururu zaraye zibaye zahitanye umuntu umwe abandi bagera kuri 16 barakomereka.

Jean Ping utavuga rumwe n'ubutegetsi bwa Perezida Ali Bongo, kuri uyu wa kane, yahamagariye abayoboke be gukora imyigaragambyo.

Kuri uyu munsi wa kane, muri icyi gihugu cya Gabon, umuyoboro wa internet wafunzwe.

Nyuma yo gutangaza ko Ali Bongo Ondimba  yatsinze amatora n'amajwi 49,80 %, mu murwa mukuru Libreville habaye imvururu ziganjemo ibikorwa byo gusahura n'inteko ishingamategeko iratwikwa.

Abatavuga rumwe n'ubutegetsi muri iki gihugu batangaje ko bamwe mu bayobozi babo bagera kuri 6 bafashwe barimo René Ndemezo'o Obiang, umuyobozi ushinzwe ibikorwa byo kwamamaza Jean Ping. 



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd