Mu gihugu cya Etiyopiya, abantu barenga 140 barishwe abandi baburirwa irengero mu gitero cyagabwe n’imitwe yitwaje intwaro yaje iva mu gihugu cya Sudani y’amajyepfo.

 

By Muhire Norbert | Views : 7644 | Kuya 04-17-2016 19:02



Icyi gitero cyagabwe kuwa gatanu tariki ya 15 mata 2016, hafi y’intara ya Gambella,Abategetsi ba Etiyopiya batangaje ko icyi gitero cyari gishingiye ku moko,benshi mubo cyahitanye bari biganjemo abagore n’abana.

Amakuru dukesha ibirontaramakuru by'Abanyamerika aravuga ko umwe mu bayobozi bakuru mu gihugu cya Etiyopiya Getachew Reda yabitangarije kuri icyi cyumweru tariki ya 17 mata ko igisirikare cya Etiyopiya kirimo kirakurikirana abo barwanyi iyo bahungiye.

Uyu muyobozi yakomeje avuga ko aba barwanyi nta sano bafitanye na leta ya Sudani y’epfo cyangwa abayirwanya.

Yongeraho ko Igisirikare cya Etiyopiya kishe abarwanyi 60 muri abo bagabye icyi gitero, kandi ko kirimo kirakurikirana abahungiye muri Sudani y’epfo.

Igihugu cya Etiyopiya cyahaye ubuhungiro impunzi zo muri Sudani y’epfo zibarirwa mu bihumbi 272 bari mu ntara ya Gambella ,bahunze intambara muri Sudani y’epfo yatangiye mu mwaka w’i 2013,abarenga ibihumbi cumi barishwe mu gihe abarenga miliyoni ebyiri bahunze ingo zabo.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd