Ku kibuga cyayo, Estadio Santiago Bernabeu, Real Madrid imaze guhura n’uruva gusenya aho inyagiwe na mukeba, Barcelona ibitego 3 kuri 0, umukino wa shampiyona wabaye kuri uyu wa gatandatu tariki ya 23 ukuboza 2017.

 

By Habumugisha Theoneste | Views : 10815 | Kuya 12-23-2017 17:38



Uyu mukino wahuje Real Madrid ku kibuga cyayo na Barcelona ni umwe mu mikino iba yitezwe na benshi aho witabiriwe n’abantu bagera 80264.

Igitego cya mbere cya Barcelona cyatsinzwe na Luis Suarez ku munota wa 54, nyuma y’iminota 10 gusa Lionel Messi ahita ashyiramo icya 2, ku munota wa 90 Aleix Vidal ahita yinjiza igitego cya 3.

Ku munota wa 63, Real Madrid yaje kubona ikarita y’umutuku yahawe Daniel Carvajal.

Nyuma y’umunsi wa 17 wa shampiyona, Barcelona niyo ikiyoboye urutonde n’amanota 45, igakurikirwa na Atletico Madrid n’amanota 36, Valencia n’amanota 34, Real Madrid ikaza ku mwanya wa 4 n’amanota 31.

           Igitego cya mbere cya Barcelona cyatsinzwe na Luis Suarez ku munota wa 54


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd