Nyuma y'urupfu rwa Etienne Tshisekedi mu gihugu cy'ububiligi ku munsi w'ejo kuwa gatatu, muri repubulika iharanira demokarasi ya congo kuva ku munsi w'ejo hahise havuka imvururu hagati y'abayoboke be na polisi y'igihugu.

 

By Idrissa Katumbi | Views : 4557 | Kuya 02-02-2017 13:18



Umwuka watangiye kuba mubi i Kinshasa mu murwa mukuru wa repubulika iharanira demokarasi ya congo ahegereye ikicaro cy'ishyaka rya UDPS n'ahari urugo rwa Etienne Tshisekedi, Perezida w'iri shyaka, nyuma y'urupfu rwe rwabaye kuwa gatatu tariki ya 01 Gashyantare 2017 mu gihugu cy'ububiligi.

Ku mugoroba wo kuri uyu wa gatatu nibwo hahise hatangira imvururu hagati y'abapolisi n'abayoboke ba UDPS, bituma inzego z'umutekano zikoresha ibyuka biryana mu maso kugirango baburizemo umugambi w'abayoboke ba Tshisekedi bifuzaga kuhateranira.  

        Abayoboke ba UDPS kuya 02.02.2017, nyuma y'amasaha make Tshisekedi apfuye

Mu gitondo cyo kuri uyu wa kane tariki ya 02 gashyantare 2017, imvururu hagati y'abayoboke ba Tshisekedi na polisi zakomeje ahari urugo rwe n'ahari icyicaro cya UDPS. 

Etienne Tshisekedi, umugabo w'inararibonye muri politiki waranzwe no kutavuga rumwe na Perezida Mobutu n'abamusimbuye kugera ubu, yaguye mu bubiligi azize indwara y'ibihaha.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd