Leta ya repubulika iharanira demokarasi ya congo ku munsi w'ejo ku cyumweru tariki ya 15 Mutarama 2017 yatangaje ko abahoze ari abarwanyi b'umutwe wa M23 bari bamaze igihe kigera ku myaka 3 barahungiye Uganda, baba bongeye kwinjira mu ntara ya Kivu y'Amajyaruguru bagamije kugaba ibitero ku butaka bwa Congo Kinshasa.  

 

By Muhire Norbert | Views : 5019 | Kuya 01-16-2017 13:54



Guverineri w'intara ya Kivu y'Amajyaruguru Julien Paluku, ku munsi w'ejo ku cyumeru tariki ya 15 Mutarama, yavuze ko abahoze ari abarwanyi b'umutwe wa M23 baturutse mu bugande bakinjira mu gihugu cyabo, yongeraho ko umusirikare wo muri uyu mutwe mu masaha ya mugitondo cyo ku cyumweru yinjiye muri DRC ndetse n'imodoka yabo irimo abasirikare yambutse umupaka.

Aya makuru yongeye kugarukwaho n'umuvugizi wa leta ya congo, Lambert Mende, watangarije ibiro ntaramakuru by'abafaransa ko hashobora kubaho imirwano k'ubutaka bwa Congo.

Ushinzwe igisirikare, Crispin Atama Tabe, yasabye ko habaho ubugenzuzi kugirango hashakishwe ukuri.

Ku ruhande rwa Uganda, capitaine Timbaganya, umuvugizi w'ingabo muri kano gace kari k'umupaka wa DRC na Uganda, yavuze ko atakwemeza cyangwa ngo ahakane aya makuru, ko ahubwo hakorwa ubugenzuzi.

                       M23 yari Uganda yaba yasubiye muri Kivu y'Amajyaruguru


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd