Umuryango w'ibihugu by'i Burayi wongeye kotsa igitutu leta ya repubulika iharanira demokarasi ya congo iyisaba kubahiriza amasezerano yo kuwa 31 ukuboza 2016 yayisabaga kuva k'ubutegetsi binyuze mu mucyo no mu bwisanzure hakabaho gusimburana k'ubutegetsi.

 

By Idrissa Katumbi | Views : 5964 | Kuya 03-07-2017 13:20



Nyuma y'inama y'abaminisitiri bashinzwe ububanyi n'amahanga mu muryango w'ibihugu by'ubumwe bw'u Burayi yabaye ejo kuwa mbere tariki ya 06 Werurwe 2017 i Bruxelles mu gihugu cy'u Bubiligi, hashyizwe ahagaragara itangazo aho uyu muryango wasabye leta ya congo Kinshasa kubahiriza amasezerano yo kuwa 31 ukuboza 2016, yayisabaga kubahiriza amahame ya demokarasi binyuze mu nzira nziza. 

Ikibazo cy'umutekano muri repubulika iharanira demokarasi ya congo kiri mu byagarutsweho cyane muri iyi nama yari yitabiriwe n'abaminisitiri bashinzwe ububanyi n'amahanga bagera kuri 27 baturuka mu bihugu byabo bigize umuryango w'ubumwe bw'u Burayi.

Aba ba minisitiri bemeje ko imishyikirano yashyizweho umukono kuya 31 ukuboza 2016, ariyo nzira yonyine impande zombi zigomba kubahiriza, hagomba kubaho inzibacyuho hagategurwa amatora y'umukuru w'igihugu agomba kuba bitarenze uyu mwaka wa 2017.

Aba ba minisitiri basabye kandi ubutegetsi bwa repubulika iharanira demokarasi ya congo kurekura imfungwa za politiki no kureka gukomeza gutoteza abatavuga rumwe n'ubutegetsi bw'iki gihugu. 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd