Mu gihe byitezwe ko kuri uyu wa mbere tariki ya 19 ukuboza 2016, aribwo muri repubulika iharanira demokarasi ya Congo, Perezida Joseph Kabila ari busoze manda ye ya 2 ikaba n'iya nyuma yemererwa n'itegeko nshinga ry'iki gihugu, icyoba ni cyose yaba mu bategetsi, mu mitwe itavuga rumwe n'ubutegetsi no mu baturage, leta ikaba yakajije umutekano hirya no hino mu gihugu mu rwego rwo kwirinda imvururu zavuka.

 

By Idrissa Katumbi | Views : 6447 | Kuya 12-19-2016 12:11



Nubwo byitezwe ko kuri uyu wa mbere tariki ya 19 ukuboza 2016 ahagana mu masaha y'igicuku (00h00), aribwo muri repubulika iharanira demokarasi ya Congo, Perezida Joseph Kabila ari busoze manda ye ya 2 ikaba n'iya nyuma yemererwa n'itegeko nshinga ry'iki gihugu, kuwa mbere tariki ya 17 ukwakira 2016, intumwa z'uruhande rushyigikiye Perezida Joseph Kabila hamwe na bamwe mu batavuga rumwe n'ubutegetsi bwe bari bayobowe na Vital Kamerhe batoye hatari abahagarariye ihuriro, maze bemeza ko amatora y'umukuru w'igihugu yashyirwa muri mata 2018. 

Abashumba ba Kiriziya Gaturika muri iki gihugu bahamagaje abagize ihuriro ry'abatavuga rumwe n'ubutegetsi, uruhande rushinzwe kubahiriza itegekonshinga n'abahagarariye amashirahamwe y'abaturage (sosiyete civile), kugirango bazahure kuri uyu wa Gatatu, ngo kugirango bongere barebere hamwe uko imishyikirano yagenda ariko bakabona ituze.

Kuri uyu wa mbere tariki 19 ukuboza 2016, nta gice na kimwe cyahamagariwe gukora imyigaragambyo ariko inzego z'umutekano ziganjemo Polisi zashyizwe hirya no hino mu mijyi y'iki gihugu kugirango birinde imvururu zavuka, bakaba batangiye gukora imikwabo basaka imodoka, abagenzi no mu mazu.

Leta ya Congo Kinshasa yari yasabye ibigo by'itumanaho ko mbere y'amasaha 48 ngo Perezida Kabila asoze manda ze, bagomba guhagarika itumanaho iryo ariryo ryose rifasha mu gutanga amakuru hakoreshejwe inyandiko,amajwi cyangwa amashusho.

Umunyecongo, Jérôme Sulemani, aganira na jeuneafrique, yavuze ko ubwoba ari bwose batazi igikurikira amasaha ari imbere.

Guverineri w'intara ya  Haut-Katanga, Jean-Claude Kazembe Musonda, yageneye ubutumwa bw'amahoro abaturage bose b'intara, aho yagize ati:" Ingabo z'igihugu cyacu na Polisi ziri iruhande rwanyu kugirango babarindire umutekano wanyu n'uw'ibintu byanyu, bafate kandi bahane uwashaka guhungabanya umutekano".

Jean-Claude Kazembe, yabwiye abaturage b'intara ayobora ko Haut-Katanga,ari umurwa mukuru w'ubukungu atari umurwa mukuru wa politiki, ko bagomba kujya mu mirimo yabo nkuko bisanzwe.

                Polisi nizo ziganje mu mihanda yo mu mijyi hirya no hino muri DRC

                       Nta rujya n'uruza rw'abantu kubera kwikanga imvururu


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd