Nyuma y'uko kuwa gatanu tariki ya 07 Nyakanga 2017, i Paris mu gihugu cy'Ubufaransa, Perezida wa komisiyo y'igihugu y'amatora yigenga muri Congo Kinshasa (CENI), atangaje ko amatora muri iki gihugu adashobora kuba muri uyu mwaka, byakuruye umwuka mubi hagati yabo n'abatavuga rumwe n'ubutegetsi.

 

By Ishimwe Ange | Views : 1722 | Kuya 07-10-2017 23:03



Augustin Kabuya, umuvugizi wa UDPS yatangarije ibiro ntaramakuru by'Abafaransa, ko Corneille Nangaa, Perezida wa CENI, yavugiye mu bufaransa ko amatora ya Perezida n'ayabagize inteko ishingamategeko muri repubulika iharanira demokarasi ya Congo adashobora kuba muri uyu mwaka bityo akaba azaba nyuma ya 2017.

Ku ruhande rwa UDPS basanga uku kudashyira amatora muri uyu mwaka ari ugukomeza guha amahirwe Perezida Joseph Kabila yo kuguma kugundira ubutegetsi, bityo bakaba babifata nk'ubushotoranyi.

Amasezerano yashyizweho umukono kuya 31 ukuboza 2016 muri DRC hagati y'abahagarariye leta n'abatavuga rumwe n'ubutegetsi, avuga ko aya matora ya Perezida n'abagize inteko ishingamategeko agomba kuba muri uyu mwaka wa 2017.

                                    Corneille Nangaa, Perezida wa CENI muri DRC


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd