Abahagarariye komisiyo y'amatora muri repubulika iharanira demokarasi ya Congo, kuri uyu wa kane tariki ya 23 kamena 2016, bategerejwe i Gbadolite mu majyaruguru ya Ubangi kugirango bategure gahunda y'amatora izatangazwa mu kwezi kwa Nyakanga uyu mwaka.

 

By Idrissa Katumbi | Views : 8610 | Kuya 06-22-2016 14:19



Nyuma yo kugaragaza ko nta myiteguro y'amatora yari ihari muri DRC, abanyecongo batavuga rumwe n'ubutegetsi bwa Perezida Kabila n'imiryango mpuzamahanga bigahaguruka bisaba ko hategurwa amatora kandi hakabaho n'ibiganiro hagati ya leta n'abatavuga rumwe n'ubutegetsi, komisiyo y'amatora muri iki gihugu, CENI (Commission électorale nationale indépendante),irashyize iva ku izima igiye gutegura inozwa rya gahunda y'amatora.

Abagize biro y'iyi komisiyo y'amatora bategerejwe i Gbadolite mu majyaruguru ya Ubangi kuri uyu wa kane tariki ya 23 kamena 2016.

Mu izina rya sosiyete civile, Perezida wayo Taylor Taima yasabye ko hashyirwaho abayobozi bashya b'iyi komisiyo mu majyaruguru ya Ubangi,mbere y'uko ibikorwa byayo bitangira kuberako bashinjijwe kunyereza umutungo.

Sosiyete civile yavuze ko mu gihe cyo kwiyamamaza, Corneille Nangaa, Perezida wa CENI,yemeye ko hazashyirwaho bamwe mu bayobozi bashya ba CENI, mu majyaruguru ya Ubangi.

Mu mubonano wari wabereye I Kinshasa mu murwa mukuru muri mata uyu mwaka,hemejwe abanyamabanga nshingwabikorwa bahagarariye CENI mu ntara, uwungirije Perezida w'uru rwego avuga ko hazashyirwaho abantu ibihumbi 100 bazafasha muri iri nozwa rya gahunda y'amatora.

Biteganyijwe ko bitarenze tariki ya 19 ukuboza 2016, Perezida Joseph Kabila agomba kuba yamaze kuva k'ubutegetsi.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd