Muri repubulika iharanira demokarasi ya Congo, intumwa z'uruhande rushyigikiye Perezida Joseph Kabila hamwe na bamwe mu batavuga rumwe n'ubutegetsi bwe bari bayobowe na Vital Kamerhe batoye kuri uyu wa mbere, hatari abahagarariye ihuriro, maze bemeza ko amatora y'umukuru w'igihugu yashyirwa muri mata 2018.

 

By Idrissa Katumbi | Views : 9576 | Kuya 10-18-2016 09:36



Abari mu biganiro bya politiki i Kinshasa, kuri uyu wa mbere tariki ya 17 ukwakira 2016, begeje inyuma amatora y'umukuru w'igihugu yari ateganyijwe kuya 27 ugushyingo, maze bemeza ko atazaba uyu mwaka wa 2016, bayashyira muri mata 2018, kure cyane y'itariki biteganyijwe ko Perezida Joseph Kabila azarangirizaho manda ye ya 2, kuya 19 ukuboza 2016.

Ibi bitandukanye cyane n'imyanzuro y'abagize ihuriro ry'abatavuga rumwe n'ubutegetsi bwa Perezida Kabila, aho batemera imyanzuro y'ibi biganiro, aho bavuga ko hagomba kubaho ubutegetsi budasanzwe, butarimo Kabila ugomba kutarenza kuya 19 ukuboza uyu mwaka.

Biteganyijwe ko mu gihe kitarenze iminsi 21 uhereye kuri iyi tariki ya 18 ukwakira 2016, itariki y'ishyirwaho umukono ku masezerano, abantu bagomba kuba bashyizwe mu myanya, hagashyirwaho guverinoma izayoborwa n'utavuga rumwe n'ubutegetsi wagize uruhare muri ibi biganiro.

Vital Kamerhe, wahoze ari Perezida w'inteko ishingamategeko akaba ariwe uhabwa amahirwe kuri uyu mwanya.

                    Bamwe mu bitabiriye ibiganiro, uwa 1 iburyo, Vital Kamerhe


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd