Mu nama yabereye i Buruseli mu gihugu cy'ububiligi,yahuje abatavuga rumwe n'ubutegetse buriho muri repubulika iharanira demokarasi ya Congo,Etienne Tshisekedi nawe utavuga rumwe n'ubutegetsi bwa Perezida Joseph Kabila yasabye bagenzi be ko baba umwe,Perezida Joseph Kabila akarekura ubutegetsi.

 

By Idrissa Katumbi | Views : 8862 | Kuya 06-09-2016 07:39



Iyi nama y'abatavuga rumwe n'ubutegetsi bwa Congo Kinshasa yatangiye ku mugoroba wo kuri uyu wa gatatu tariki ya 08 kamena 2016 muri hôtel du Lac mu mujyi wa Buruseli mu gihugu cy'ububiligi.

Etienne Tshisekedi Perezida w'ishyaka UDPS ritavuga rumwe n'ubutegetsi bwa DRC,akaba inararibonye muri Pilitiki,niwe watangije ku mugaragari icyo bise "Conférence 2016"(Inama ya 2016) aho yari imbere y'abatavuga rumwe n'ubutegetsi bwa Perezida Kabila bagera kuri 80 bahagarariye imitwe ya Politiki yaba iyo hanze y'igihugu cyangwa ikorera imbere mu gihugu.

Ijambo rye rya mbere mu ruhame nyuma y'igihe kirekire,Etienne Tshisekedi yasabye ubumwe,mu gihe cy'iminota igera ku 10,avuga atuje,ariko yerura yagize ati:"tugomba kwihuza tukaba umwe tukirukana Perezida Joseph Kabila udashaka kurekura ubutegetsi,....kuya 19 ukuboza uyu mwaka,Perezida Joseph Kabila agomba kuba yamaze kurekura ubutegetsi".

Muri iyi nama abatavuga rumwe n'ubutegetsi bwa Congo Kinshasa bemeranyije gufatira ibyemezo hamwe kugirango babashe guhangana n'ibibazo bya Politiki bikomeje kuvugwa muri icyi gihugu no kwitabira ibiganiro bayobowemo n'umuryango w'ubumwe bw'Afurika.

        Etienne Tshisekedi atangiza Conférence 2016 i Buruseli




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd