Muri Repubulika Iharanira Demokarasi ya Congo, Perezida Joseph Kabila kuri uyu wa Gatatu tariki 16 Nzeri 2015 yirukanye Abanyapolitiki 7 muri Guverinoma abaziza kutavuga rumwe nawe mu kugundira ubutegetsi.

 

By Muhire Norbert | Views : 10038 | Kuya 09-17-2015 09:37



Umuryango rusange ugamije kwiyubaka (MSR) na Perezida wawo Pierre Lumbi hamwe na G7,ishyirahamwe rigizwe n’imitwe 7 ya Politiki bitandukanyije n’abashyigikiye Perezida wa Congo Kinshasa  Joseph Kabila mu ibaruwa bamwandikiye bamusaba kubaha itegeko nshinga ry’icyi gihugu bityo ntazarihindure ngo abe yakwiyamamariza kongera kuyobora Congo Kinshasa.


Mu itangazo ryashyizweho umukono kuri uyu wa Gatatu tariki ya 16 Nzeri 2015 na Yves Mobando, visi-Perezida na Laurent Simon Ikenge, umuvugizi, umuryango MSR,ufite abadepute 32 mu nteko ishingamategeko y’iki gihugu, bemeje ko bazakora ibishoboka byose ngo itegekonshinga ryubahwe ntirihindagurwe.

Tariki 15 Kanama 2015, abantu basaga 5000 baturuka mu mashyaka atavuga rumwe na Leta ya Congo Kinshasa, bitabiriye imyigaragambyo basaba ko igihe cy’ amatora cyubahirizwa kuko bari bamaze kwikanga ko Kabila ashaka kugihindura kugira ngo agume ku butegetsi.

Itegeko Nshinga rigenga Repubulika Iharanira Demokarasi ya Congo ryemeza ko manda ya 2 ya Perezida Joseph Kabila igomba kurangira mu mwaka w’ i 2016 ariko we yifuza ko yakongera kwiyamamariza kuyobora iki gihugu.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd