Mu gihugu cya Nigeria,mu mujyi wa Dalori,abantu bagera kuri 85 bishwe mu gitero kimwe n'inyeshyamba z'umutwe wa Boko Haram.

 

By Muhire Norbert | Views : 8652 | Kuya 02-02-2016 10:22



Mu ijoro ryo kuwa gatandatu rishyira ku cyumweru,inyeshyamba z'umutwe wa Boko Haram zateye ahitwa Dalori,mu birometero bicye ngo ugere  Maiduguri umurwa mukuru wa Leta ya Borno.

Imibiri ya ba nyakwigendera,65 yajyanwe muri Hôpital spécialisé,10 ijyanwa mu bitaro bya kaminuza ya Maiduguri,indi 10 ku cyumweru yajyanwe mu irimbi rusange rya Dalori.

Mu itangazo ryashyizwe ahagaragara kuri uyu wa mbere tariki ya 01 Gashyantare 2016 n'urwego rwo muri Nigeria rushinzwe amakuru yihuse NEMA rwatanze imibare igenekereje aho ruvuga ko 65 bishwe abandi 136 bagakomereka.

Kuri uyu wa mbere kandi,itangazo ryashyizwe ahagaragara n'ibiro by'umukuru w'igihugu cya Nigeria rivuga ko biteganyijwe ko kuri uyu wa Gatatu tariki ya 03 Gashyantare Perezida w'icyi gihugu Muhammadu Buhari azerekeza ahitwa Strasbourg mu burasirazuba bw'igihugu cy'Ubufaransa aho azageza ijambo ku nteko y'uburayi,rikazibanda ku iterabwoba,ubwicanyi bw'ivangura,ruswa,n'uko umutekano wifashe muri Afurika cyane cyane muri Nigeria.

Amakuru dukesha ikinyamakuru Jeune Afrique akomeza avuga ko kuwa kane w'icyi cyumweru,Perezida Muhammadu Buhari azajya na Londres mu nama mpuzamahanga iziga ku biri kubera muri Siriya.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd