Muri Congo-Brazzaville, abahoze ari abarwanyi b'umutwe wa Ninjas, mu karere ka Pool, bishe abasirikare 4 ba leta abandi benshi barakomereka. Aya makuru akaba yemejwe n'igisirikare na guverinoma y'igihugu cya Congo-Brazzaville.

 

By Umutoni Solange | Views : 6069 | Kuya 09-30-2016 08:22



Abahoze ari abarwanyi b'umutwe wa Ninjas, bashyigikiwe na Frédéric Bintsamou, bakunze kwita Pasteur Ntumi, bateye ingabo za leta zari mu karere ka Pool gaherereye mu majyepfo y'igihugu, bahitana abasirikare bane ba leta abandi benshi barakomereka.

             Frédéric Bintsamou, bakunze kwita Pasteur Ntumi ari kumwe n'ingabo ze

Amakuru Umurashi.rw ukesha Jeune Afrique, aravuga ko, minisitiri ushinzwe itumanaho akaba n'umuvugizi wa leta ya Congo-Brazzaville, Thierry Moungalla yatangaje ko Igitero cya mbere cyagabwe kuwa mbere tariki ya 26 Nzeri 2016, mu gace ka Kimbedi, abasirikare 2 bitaba Imana, abandi bagera kuri 4 barakomereka.

Umusirikare w'ipeti rya kapitene, Patrick Okomo, umwe mu bayobozi b'ibitero by'ingabo mu karere ka Pool yavuze ko Igitero cya kabiri cyabaye mu ijoro ryo kuwa gatatu tariki ya 28 Nzeri rishyira kuwa kane tariki ya 29 Nzeri 2016, Abasirikare 2 bari baherekeje imbangukiragutabara yari itwaye abarwayi mu murwa mukuru Brazzaville baricwa. 

Umutwe w'aba "Ninjas" watangije ibitero mu gace ka Pool kari mu majyepfo ya Congo-Brazzaville, washinzwe mu gihe cy'intambara y'abaturage mu mwaka w'i 1993 muri Congo-Brazzaville, n'uwahoze ari minisitiri w'intebe wa Congo-Brazzaville Bernard Kolélas. 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd