Mu bwongereza nyuma yuko ikipe ya Chelsea ibonye amanota 3 kuwa gatandatu, Liverpool yayiryaga isataburenge ikanganya ku munsi w'ejo ku cyumweru, byayihaye amahirwe yo kongera ikinyuranyo, mu gihe mu gihugu cya Espagne Real Madrid yatsinzwe bikagabanya intera yahaga izindi.

 

By Habumugisha Théoneste | Views : 6258 | Kuya 01-16-2017 09:56



Mu gihugu cy'ubwongereza, kuwa gatandatu tariki ya 14 Mutarama 2017, Leicester City ku kibuga cyayo yakiriye Chelsea, umukino urangira itsinzwe ibitego 3 - 0, ibi bitego bya Chelsea byatsinzwe na Marcos Alonso ku munota wa 6 n'uwa 51, icya 3 gishyirwamo na Pedro Rodriguez ku munota wa 71.

Liverpool yarushwaga na Chelsea amanota 5 mbere y'uyu mukino, yananiwe kubona intsinzi mu mukino yaraye ikinnye ejo ku cyumweru tariki ya 15, waje kurangira inganyije na Manchester United igitego 1 - 1.

Nyuma yo kunganya kwa Liverpool byatumye Chelsea ihita iyirusha amanota 7 ndetse umwanya wa 2 uhita ufatwa na Tottenham Hotspur. 

Mu gihugu cya Espagne, Ejo ku cyumweru tariki ya 15 Mutarama 2017, ikipe ya Seville yahagaritse agahigo k’imikino 40 ikipe ya Real Madrid yari imaze idatsindwa, Seville yabatsinze ibitego 2-1 mu mukino wa shampiyona waraye uhuje amakipe yombi.

Igitego cya Stevan Jovetic ku munota wa 90 w’umukino, cyafashije Seville gutsinda umukino ndetse nabo bibagumisha mu bahanganira igikombe.

Cristiano Ronaldo yari yatsindiye Real Madrid kuri penaliti ku ikosa Dani Carvajal yakorewe n’umunyezamu wa Seville, Sergio Rico, ariko iki gitego baje kukishyurwa ubwo Sergio Ramos yitsindaga. 


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd