Imikino ihuza amakipe ya mbere ku mugabane w'uburayi yabaye kuwa kabiri tariki ya 14 no kuwa gatatu tariki ya 15 gashyantare yarangiye Barcelona yo muri Espagne na Arsenal yo mu Bwongereza zitsinzwe nk'izidahari.

 

By Habumugisha Théoneste | Views : 5460 | Kuya 02-16-2017 08:20



Kuwa kabiri tariki ya 14 gashyantare 2017 no kuwa gatatu tariki ya 15 gashyantare 2017, Imikino ihuza amakipe ya mbere ku mugabane w'uburayi, Champions League, yarakomeje.

Ku mugoroba wo ku munsi w'ejo kuwa 3, Bayern Munich yihereranye Arsenal iyinyagira itayibabariye ibitego 5 kuri 1, igitego cya mbere cya Bayern cyinjijwe na Arjen Robben ku munota wa 11, ku munota wa 30 kishyurwa na Alexis Sanchez, igice cya mbere cy'umukino kirangira ari 1 kuri 1.

Ku munota wa 53 Robert Lewandowski wa Bayern, yaboneye ikipe ye igitego cya 2, icya 3 gitsindwa na Thiago Alcantara ku munota wa 56, ku munota wa 63 Thiago Alcantara yongera gushyiramo ikindi, ku munota wa 88 Thomas Mueller wari winjiye asimbuye atsinda icyanyuma ari nako umukino waje kurangira ari 5-1.

Ku mugoroba wo kuwa kabiri, Paris Saint Germain ku kibuga cyayo yihereranye Barcelona iyinyagira ibitego 4 kuri 0, ibitego bya PSG byatsinzwe na Angel Di Maria ku munota wa 18, Julian Draxler ku munota wa 40, Angel Di Maria ku munota wa 55 na Edinson Cavani ku munota wa 72.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd