Imikino yo kwishyura mu mikino y'amakipe ya mbere ku mugabane w'uburayi (Champions League) irakomeza kuri uyu wa kabiri no kuwa gatatu, Arsenal na Barcelona nyuma yo kunyagirwa imvura y'ibitego, zirongera guhura na Bayern Munich na Paris Saint Germain.

 

By Habumugisha Théoneste | Views : 5733 | Kuya 03-07-2017 10:27



Kuri uyu wa kabiri tariki ya 07 no kuwa gatatu tariki ya 08 Werurwe 2017, imikino ya Champions League irakomeza

Ku mugoroba wo kuwa kabiri tariki ya 14 gashyantare 2017 , Paris Saint Germain ku kibuga cyayo yihereranye Barcelona iyinyagira ibitego 4 kuri 0, ibitego bya PSG byatsinzwe na Angel Di Maria ku munota wa 18, Julian Draxler ku munota wa 40, Angel Di Maria ku munota wa 55 na Edinson Cavani ku munota wa 72. 

Ku mugoroba wo kuwa gatatu tariki ya 15 gashyantare 2017, Bayern Munich yihereranye Arsenal iyinyagira itayibabariye ibitego 5 kuri 1, igitego cya mbere cya Bayern cyinjijwe na Arjen Robben ku munota wa 11, ku munota wa 30 kishyurwa na Alexis Sanchez, igice cya mbere cy'umukino kirangira ari 1 kuri 1. 

Ku munota wa 53 Robert Lewandowski wa Bayern, yaboneye ikipe ye igitego cya 2, icya 3 gitsindwa na Thiago Alcantara ku munota wa 56, ku munota wa 63 Thiago Alcantara yongera gushyiramo ikindi, ku munota wa 88 Thomas Mueller wari winjiye asimbuye atsinda icyanyuma ari nako umukino waje kurangira ari 5-1. 

Indi mikino yari yabaye, kuwa kabiri Benfica yatsinze Borussia Dortmund 1 - 0, kuwa gatatu Real Madrid itsinda SSC Napoli 

3 - 1.  

Imikino yo kwishyura irakomeza kuri uyu wa kabiri n'ejo kuwa gatatu tariki ya 08, yose ikazajya itangira isa tatu na mirongo ine n'itanu z'ijoro (21h45).


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd