Muri Centrafrique, abantu bagera kuri 20 bishwe, abandi benshi barakomereka, bishwe n'abantu bitwaje intwaro bahoze ari abarwanyi ba Séléka, mu gace ka Kaga Bandoro.

 

By Umutoni Solange | Views : 6531 | Kuya 09-18-2016 18:38



Amakuru yatangajwe n'igipolisi cyo muri Centrafrique yemeje ko abantu basaga 20 bishwe, abandi benshi barakomereka, bishwe n'abantu bitwaje intwaro bahoze ari abarwanyi ba Séléka, mu gace ka Kaga Bandoro kari hagati.

Amakuru Umurashi ukesha ibiro ntaramakuru by'abafaransa aravuga ko icyi gitero cyagabwe kuwa gatanu n'abahoze ari abarwanyi ba Séléka mu gace ka Kaga Bandoro no mu byaro byegeranye kigahitana abaturage bagera kuri 20 abandi benshi bagakomereka, abarokotse bagahungira mu bice bibegereye.

Aya makuru akomeza avuga ko ibi bitero byakomeje no kuwa gatandatu, aho byahitanye abantu 19 mu byaro bya Ndomété.

Mu itangazo rya Minusca, umutwe w'umuryango w'abibumbye ushinzwe kubungabunga amahoro n'umutekano muri Centrafrique, ryavuze ko hagiye kongerwa imbaraga mu ngabo muri tuno duce twa Kaga Bandoro na Ndomété kugirango barebe uko bahangana n'iki kibazo kandi banagarure umutekano.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd