Nyuma y'imikino y'igikombe cy'Afurika yo mu itsinda A na B yabaye kuwa gatandatu no ku cyumweru, kuri uyu wa mbere tariki ya 16 Mutarama 2017, iyi mikino irakomeza, Ivory Coast irahura na Togo, mu gihe DR Congo iri bukine na Morocco.

 

By Habumugisha Théoneste | Views : 5670 | Kuya 01-16-2017 10:44



Kuri uyu wa mbere tariki ya 16 Mutarama 2017, Umukino w'igikombe cy'Afurika uri bubanze uratangira isa kumi n'ebyiri (18h00) hagati ya Ivory Coast na Togo, uze gukurikirwa n'undi utangira isa tatu (21h00) hagati ya DR Congo na Morocco, ikipe zose zo mu itsinda rimwe rya C.

Imikino yo kuwa gatandatu tariki ya 14 Mutarama 2017 :

Igitego cya Pierre-Emerick Aubameyang ku munota wa 52 yatsindiye ikipe ye ya Gabon nicyo cya mbere cyabonetse muri iri rushanwa n'ubwo cyaje kwishyurwa ku munota wa 90 na Juary Soares, umukino ukarangira ari 1 cya Gabon kuri 1 cya Guinea-Bissau.

Umukino wahuje Burkina Faso na Cameroon nawo warangiye ari 1 - 1, ku ruhande rwa Burkina Faso, igitego cyatsinzwe na Issoufou Dayo ku munota wa 75, mu gihe icya Cameroon cyari kinjiye ku munota wa 35 na Benjamin Moukandjo.

Imikino yo ku cyumweru  tariki ya 15 Mutarama 2017 :

Umukino wahuje Algeria na Zimbabwe warangiye ari ibitego 2 - 2, ibitego bya Algeria byatsinzwe na Riyad Mahrez ku munota wa 12 n'uwa 82, mu gihe ibya Zimbabwe byatsinzwe na Kudakwashe Mahachi ku munota wa 17 na Nyasha Mushekwi(Penaliti) ku munota wa 29.

Senegal yaraye itsinze Tunisia ibitego 2 - 0, Sadio Mane(Penaliti) ku munota wa 10, na Kara Mbodji ku munota wa 30.

                                Ibihugu biri mu gikombe cy'Afurika muri Gabon 2017


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd