Imikino y'igikombe cy'Afurika yaberaga mu gihugu cya Gabon yaraye isojwe Nicolas N'Koulou na Vincent Aboubakar bafashije ikipe y'igihugu ya Cameroon gutwara igikombe cy'Afurika ku nshuro ya 5.

 

By Habumugisha Théoneste | Views : 4914 | Kuya 02-06-2017 07:58



Ku munota wa 22 w'umukino, ikipe y'igihugu ya Misiri niyo yafunguye amazamu ku gitego cyinjijwe neza na Mohamed Elneny wanyuze murihumye ab'inyuma ba Cameroon, umuzamu akikanga inshundura zanyeganyeze.

Igice cya mbere cy'umukino cyarangiye benshi bibwira ko Cameroon yamaze gutakaza igikombe, ariko mu gice cya kabiri iyi kipe yongereye imbaraga bituma ku munota wa 59 Nicolas N'Koulou abonera ikipe ye igitego cya mbere.

Cameroon yakomeje kotsa igitutu abarabu, bituma ku munota wa 88 uwitwa Vincent Aboubakar atsinda igitego cya kabiri, ari nako umukino waje kurangira ari ibitego 2 bya Cameroon kuri 1 cya Misiri.

Cameroun itwaye igikombe cy’Afurika ku nshuro ya 5, mu 1984, 1988, 2000, 2002 na 2017. 

Ikipe y’igihugu ya Cameroun « Lions indomptables » yagiye inshuro 7 mu mikino y’igikombe cy’isi aho mu 1990 yageze muri ¼ cy’irangiza.

Imikino y'igikombe cy'Afurika mw'uyu mwaka wa 2017, yatangiye tariki ya 14 mutarama isozwa tariki ya 05 gashyantare mu gihugu cya Gabon.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd