Kuri icyi cyumweru tariki ya 05 Gashyantare 2017, harakinwa umukino wanyuma w'igikombe cy'Afurika kimaze igihe kigera ku byumweru 3 kibera mu gihugu cya Gabon, umukino wanyuma urahuza ikipe y'igihugu ya Misiri n'iya Cameroun.

 

By Habumugisha Théoneste | Views : 4809 | Kuya 02-05-2017 12:30



Kuva isa tatu z'umugoroba (21h00) nibwo kuri Stade de l'Amitie, mu murwa mukuru wa Gabon, i Libreville habera umukino wanyuma w'igikombe cy'Afurika hagati ya Misiri na Cameroun.

Ikipe ya Misiri yabonye itiki yo gukina umukino wanyuma mu ijoro ryo kuwa Gatatu tariki ya 01 Gashyantare, nyuma yo gusezerera Burkina Fasso kuri Penaliti 4 kuri 3, kuko umukino wari warangiye ari 1 - 1.

Ikipe ya Cameroun yabonye itiki yo gukina umukino wanyuma mu ijoro ryo kuwa kane tariki ya 02 Gashyantare 2017, nyuma yo gusezerera Ghana iyitsinze ibitego 2 - 0.

Cameroun yatwaye igikombe cy’Afurika inshuro 4, mu 1984, 1988, 2000 na 2002. 

Ikipe y’igihugu ya Cameroun « Lions indomptables » yagiye inshuro 7 mu mikino y’igikombe cy’isi aho mu 1990 yageze muri ¼ cy’irangiza. 

Ikipe y'igihugu cya Misiri niyo ifite agahigo ko gutwara ibikombe byinshi by'Afurika kuko imaze kwibikaho ibigera muri 7, ikaba ari nayo kipe y'igihugu yo ku mugabane w'Afurika yabonye itiki bwa mbere yo gukina imikino y'igikombe cy'isi.

Ku mugoroba w'ejo kuwa gatandatu tariki ya 04 gashyantare 2017, Burkina Fasso yaraye yegukanye umwanya wa 3 itsinze Ghana 1 - 0.


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd