Mu gihugu cya Cameroun, kuri uyu wa mbere tariki ya 24 ukwakira 2016, habaye umunsi w'icyunamo ku rwego rw'igihugu abahitanwe n'impanuka ya Gariyamoshi yabereye mu muhanda uhuza Yaoundé na Douala yabaye kuwa gatanu w'icyumweru gishize.

 

By Umutoni Solange | Views : 6867 | Kuya 10-24-2016 09:48



Ku gicamunsi cyo kuwa gatanu tariki ya 21 ukwakira 2016 nibwo mu nzira ya Gariyamoshi ihuza Yaoundé na Doula, mu gace ka Eseka gaherereye mu burasirazuba bwa Yaoundé, habereye impanuka ya Gariyamoshi ihitana ubuzima bwa benshi abandi barakomereka.

                  Ahabereye impanuka ya Gariyamoshi yahitanye benshi muri cameroun

Kugera ubu, Imibare y'abahitanwe n'iyi mpanuka ntiramenyekana neza kuko itavugwaho rumwe.

Televiziyo y'igihugu yatangaje ko iyi mpanuka yahitanye abagera kuri 60, abandi 600 bagakomereka.

Ibiro ntaramakuru by'abongereza (Reuters), byatangaje ko abapfuye bazize iyi mpanuka bagera kuri 75.

Kuwa gatandatu ushize, imibiri ibarirwa hagati ya 60 na 70 y'abapfuye yajyanwe Yaoundé hamwe n'abandi benshi bari bakomeretse.

Kubera iyi mpanuka ya Gariyamoshi yahitanye ubuzima bwa benshi, Perezida w'igihugu cya cameroun Paul Biya mu itangazo yashyize ahagaragara kuwa gatandatu tariki ya 22 ukwakira 2016, yihanganishije ababuriye ababo muri iyi mpanuka ndetse avuga ko kuri uyu wa mbere tariki ya 24 ukwakira mu gihugu hose haba icyunamo.


Amazina
E-mail
Igitekerezo