Nubwo yarahiriye  mu nduru ndetse hakaba haranabaye imyigaragambyo yamagana manda ye ya  3  Perezida Nkurunziza yamaze gushyirwaho ba Visi Perezida nkuko bitegenywa n’Itegeko Nshinga bagomba kuva mu moko atandukanye Visi Perezida wa mbere ni Gaston Sindimwo, Visi Perezida wa Kabiri ni Dr. Joseph Butore  


 

By Ubwanditsi | Views : 26271 | Kuya 08-21-2015 08:04



Visi Perezida wa mbere Gaston Sindimwo ava mu ishyaka UPRONA yemewe iyobowe na Mme Concilie Nibigira, uyu Gaston Sindimwo yari asanzwe ari Sekereteri Jenerali wa UPRONA.

Visi Perezida wa mbere Gaston Sindimwo

Visi Perezida wa Kabiri Dr. Joseph Butore ava mu ishyaka CNDD-FDD rya Petero Nkurunziza, akaba yari umwarimu muri kaminuza ya Bujumbura, akaba yarigeze no kuba Minisitiri w’Uburezi.

Visi Perezida wa Kabiri Dr. Joseph Butore

Mu Burundi Visi Perezida wa mbere ubwoko bwe bugomba kuba budahuye n’ubwa Perezida wa Repubulika.

Perezida Nkurunziza kuri uyu wa Kane taliki ya 20 Kanama,2015 akaba aribwo yarahiye  n'ubwo bitashimishije benshi  dore ko hanabaye imyigaragambyo hirya no hiro  haba mu  Burundi ndetse no hanze yamagana  iri  rahira rya Petero Nkurunziza dore ko na Manda ya 3 yarahiriye yamaganywe n'amahanga , Umuryango w'Abimbumbye  ,Imiryango  mpuzamahanga itandukanye  ndetse na Leta Zunze ubumwe za Amerika.

Sibyo gusa Akanama gashinzwe iyubahirizwa ry'amasezerano y'Ubumwe n'amahoro ya Arusha  kakaba karasabye Perezoda Nkurunziza kugeza taliki ya  26 Kanama yaravuye ku butegetsi.




Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd