Mu gitondo cyo ku wa Gatatu tariki  6 Mutarama,2016 mu mugezi wa  Nyabagere utandukanya agace ka  Ngagara na  Cibitoke muri Komini ya  Ntahangwa yo mu majyaruguru ya Bujumbura hatahuwe  imirambo y’abantu babiri baboshye kugeza n’ubu  imyirondoro yabo itaramenyekana.

 

By Habineza Gabby | Views : 17703 | Kuya 01-07-2016 05:51



Umuvugizi w’igipolisi cy’u Burundi ,OPP1 Pierre Nkurikiye akaba yatangarije Ikinyamakuru Iwacu Burundi dukesha iyi nkuru ko  iyi mirambo ari iy’abasore bari mu kigero  kiri hagati y’imyaka 25 na 30 gusa ngo ababishe babanje kubacuza nta na kimwe kibaranga babasigiye.

Umurambo uherutse gutahurwa  mu gace ka Nyakabiga

Umuyobozi wa Komini ya Ntahangwa , Rémy Barampama yatangaje ko  aba bantu biciwe ahandi  nyuma bakaza kujugunywa muri  aka gace basanzwemo .

Ubuyobozi bukaba butangaza ko iperereza  ku ntandaro y’urupfu rw’aba bantu rigikomeje ari nako hashakishwa imyirondoro yabo nyakuri.

 Mu Burundi hirya no hino mu gihugu  hakaba hakomeje gutahurwa imirambo  y’abantu batandukanye aho bose basanga baboshye.



Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd