Leta y’u Burundi  iratangaza ko abantu bitwaje intwaro bamaze kwivugana  abayobozi b’inzego z’ibanze  batatu(3)  mu duce dutandukanye tw’igihugu  kuva ku wa Gatanu w’icyumweru gishize.

 

By Habineza Gabriel | Views : 11277 | Kuya 03-17-2016 09:11



Guverineri w’Intara ya  Makamba, Gad Niyukuri akaba yaratangarije BBC ko  abantu bitwaje intwaro  bataramenyekana bivuganye umuyobozi w’umwe mu midugudu igize Akarere ka Kibago ku wa Kabiri tariki  ya 15 Werurwe,2016.

Uyu muyobozi akomeza avuga ko  uyu Nyakwigendera yagabweho igitero mu rugo iwe ahagana mu masaa yine  z’ijoro.

Abandi bayobozi  2 b’inzego  z’ibanze bishwe akaba ari abo  mu Karere  ka Mugamba  ko mu Ntara ya Bururi kuri Kilometero 70 uvuye  i Bujumbura.

Kugeza ubu  nta gatsiko  karigamba ko ariko kivuganye aba bayobozi.

 Kuva  Perezida Nkurunziza yatangaza ko aziyamamariza manda ya gatatu muri Mata,2015  imvururu  ziakaba zarahise zitangira aho abantu barenga 400 bamaze kwicwa mu gihe abandi  batari bake bavuye mu byabo.

Habaye imyigaragambyo   itandukanye yamagana manda ya 3 ya Perezida Nkurunziza


Amazina
E-mail
Igitekerezo
 
 








Copyright © 2015 umurashi.rw | Desinged by Giganet Web Developers.Ltd